АГИни Байбурт университетинин ректору профессор д-р. Селчук Жошкун зыяратка келди

2015-05-07 12:28:55 4

Үстүбүздөгү жылдын 30-апрель күнү Арашан гуманитардык институтунун дин таануу факультетине Туркия Республикасы Байбурт университетинин ректору профессор д-р. Селчук Жошкун келип, профессордук-окутуучулук курам жана жалпы студенттер менен жолугушуу болуп өттү. Жолугушууда ректор Селчук Жошкун ОшМУ менен болгон кызматташуу жөнүндө айтуу менен студенттерге талыкпай окуусу үчүн үлгү насааттарын айтты. Ошондой эле Арашан гуманитардык институту менен да тыгыз иш алып баруу жана мамилелер жөнүндө сөз кылды. Келген ректор профессор д-р. Селчук Жошкунга АГИнин директорунун орун басары Р. Шамилов куттуктоо сөз сүйлөп, мындай зыяраттар дини, тили жана тарыхы бир болгон боордош элдер жана академиялык карым-катнаш үчүн маанилүүлүгүн баса белгилеп ыраазычылык билдирди. Соңунда институттун жалпы жамаатынын атынан ак калпак менен чепкен кийгизди.